TATA CARA NGELAKOKEN LITURGI KEBAKTIN MINGGU
I GEREJA INJILI KARO INDONESI (GIKI)
(Ibas Cakap Karo)
I. PERSIKAPEN
1. Persikapen ibenaken sekitar 15 menit sopé Kebaktin.
2. Serayan Tuhan ras kerina si muat bagin guna ngelakoken Kebaktin ku bas kamar ingan persikapen.
3. Sangana persikapen Iman Kitik(Iman Kecil) mbabai kerina si lit i kamar persikapen guna rendé ras ertoto.
Si jadi bahan pertoton:
- Pengataken bujur man Tuhan ibas kepulungen ras kesempaten guha erbakti.
- Perpulungen si lenga atan pulung (si lenga seh bagépé si la reh)
- Mindo penampat man Tuhan gelah ingan erbakti, alat-alat, cuaca, listrik, rsd tetap ibas pengawal-ngawal Kesah Si Badia.
- Mindo penampat ras pengajaren arah Tuhan man kerina anak-anak Tuhan si muat bagin bas Kebaktin
- Mindo ampun
- Rsd.
4. Si lit ibas kamar persikapen sisalam-salamen(kenca dung ertoto), ibenai arah wl/mc/ ras singer.
5. Ope denga simbabai rendé ku ingan Kebaktin, iberéken kesempaten kentisik guna ngarihken/’ncakapken siakap perlu.
6. Si mabai rendé(wl/mc ras singer) ku bas ingan Kebaktin ras nangkih ku mimbar.
II. KEBAKTIN
1. Ngalo-galo Kerina serayan Tuhan ku ingan Kebaktin, nina si mbabai rendé ras acara i mimbar: "Mehamatlah nandangi Tuhan Yesus sangana kita lit ibas rumahNa si Badia. Peteruk ukurta, siendesken pusuh peraténta ku Ia. Ola gejek, ola erbahan keributen, ras ola ngelakoken kai pé si la ngena atéNa."
2. Ertoto (Liturgos/Pendéta)
[ … ] Tuhan Yesus Raja Geréja, Si enggo ngaloken perpulungen genduari i bas ingan énda. Mari dagé sipesikap kula, ukur, ras tendinta ngalo-ngalo kemalemen si rehna ibas Ia nari…. (ndilo jemaat: “mari kita Kerina kalak si tek, sikataken: Amin.)
3. Rendé:
(Cataten: Penyembahen ilakoken janah perdiateken keadan. Adi perpulungen lenga siakap sikap guna ngelakoken penyembahen, emaka si mbabai rendé/acar ngajak perpulungen é, entah pé lalit ka salahna ibabai lebé ngendéken piga-piga lagu pujin janah ngajak perpulungen guna ersikap. Penyembahen ilakoken sekitar 30 - 45 menit.)
4. Rendé:
5. Ngogé kata Dibata bagin si pemena (Ikondisiken. Misalken ayat-ayat é gedang entah pé bentukna sijalapen, maka ibacaken pe salu sijalapen/responsoria)
6. Rendé piga-piga lagu (banci medley)
7. Perpulungen i beréken kesempaten guna nuriken penggejapen (kesaksin)
8. Ngogeken Pedah Dibata (mbera kerna undang-undang ‘ngkelengi Tuhan ras Manusia sini ibuat ibas Ulangen 5:6-21, entah pe kerna Sepuluh pedah Dibata)
9. Rendé (ngajuk dirinta ras perpulungen kerina ersikap guna ngalo-ngalo Kata Dibata)
10. Peseh Kata Dibata (Khotbah)
11. Pengakun Kiniteken Kalak Kristen
(Pengkotbah: Perpulungen si kelengi Tuhan iundang kami cinder. Marilah kitakerina kalak Kristen sebelang-belang doni énda siakuken kini tekenta, ninta dagé ras-ras:)
- Aku tek man Dibata Bapa Si la ersibar kuasaNa, Si nepa langit ras doni.
- Aku tek man Yésus Kristus AnakNa Si Tonggal, Tuhanta, si jadi arah Kesah Si Badia, tubuh idus singudanguda nari si so keliamen, tergelar si Maria, si ngenanami keniseran paksa pemeréntahen Pontius Pilatus, nipakuken ku kayu persilang, maté, jenari ikuburken, nusur ku doni kematén, petelu wariken enggo kéké i bas si maté nari, nangkih ku Surga, perkundulNa arah kemuhen Dibata, jenari reh me Ia pepagi guna ngerananken si nggeluh ras si nggo maté.
- Aku tek man Kesah Si Badia, janah lit sada Geréja Si Badia, persadan kalak si Badia, pengalemi dosa, kinikékén kula, ras kegeluhen si rasa lalap. A m i n.
12. Persembahen(Kolékté):
- Iman Kitik/Pendéta, nina: Genduari seh ménda paksana sipepulung persembahenta bagi rudang-rudang si merim iadep-adepen Dibata. Kata Dibata kerna persembahen sini tertulis ibas II Korintus 9 : 6–8 :………
- Rendé guna pepulung persembahen (nina Imam Kitik/Pendéta ka: Sangana pepulung persembahen, siangkat pujin rendé kita: ……… )
- Pertoton kerna persembahen.
13. Pertoton Syafaat (ibabai si erkotbah)
- Pertoton Tuhan
O, Bapa kami si niSurga, gelarNdu ipebadia min, reh min kinirajanNdu, seh lah min peraténNdu ibas doni énda bagi ni Surga. Beréken man kami nakan cukup ibas wari si sendah énda. Alemi salah kami, bagi nialemi kami salah kalak empak kami. Ola min kami ibaba Kam kubas percuban, tapi olangilah kami idur si ilat nari; sabab Kam kap si mada Kinirajan, ras kuasa, ras kemulian sindekah-ndekahna.Amin.
- Pemasu-masun(Pengkhotbah/Pendeta Jemaat):
(Perpulungen sini kelengi Tuhan, mulihlah alu damai ras mejuah-juah. Maka, angkatlah tanndu guna ngaloken pemasu-masun si rehna idur Dibata nari.
"Perkuah até Dibata Bapa, lias ras keleng até Tuhanta Yesus Kristus, ras kerembaken Kesah Si Badia ras kam(kita) kerina gelah, genduari seh asa maranatha Tuhan Yesus Kristus reh pedua kaliken ku tengah-tengahta guna ngalo-ngalo kita. Amin."
- Rendé:
Bahsa Indonesia:
Kami memuji kebesaranMu
Ajaib Tuhan. Ajaib Tuhan.
Kami memuji kebesaranMu
Ajaib Tuhan. Ajaib Tuhan.
Cakap Karo: Maka pusuhku é pehaga Kam
O, Tuhanku. Mehaga Kam.
Maka pusuhku é pehaga Kam.
O, Tuhanku. Mehaga Kam.
14. Paksa teneng (saat teduh)
III. KENCA DUNG KEBAKTIN
1. Momo (ibacaken Sekretaris Majelis/Si mbabai rende(acara)/Imam Kitik)
2. Adi alit acara tambahen, Pengkhotbah ras kerina si muat bagin ibas Kebaktin nalami Kerina perpulungen
