Mejuah-juah.     Selamat datang di laman sederhana kami: "Gereja Injili KARO Indonesia".   Gereja Injili Karo Indonesia atau disingkat GIKI, adalah gereja yang mengintegrasikan Injil dan budaya lokal(Karo), dengan mengembangkan sentralitas, sakralitas, dan ritualitas iman.  Syaloom - Mejuah-juah. Tuhan Yesus Memberkati. 2K(Kristus dan Karo): Kami mencintai Kristus dan Karo, kami menyembah Kristus dengan budaya Karo.&nb:-)  

Sabtu, 14 Desember 2013

Liturgi Natal Dalam Bahasa Karo

LITURGI IBADAH PERAYAN NATAL
Gereja Injili Karo Indonesia (GIKI) 
 Jemaat Medan: Senin, 9 Desember 2013

Théma: “Si ngaloken Tuhan Yesus; ndatken kuasa si mbelin” 
(Yohanes 1 : 12)
Sub-théma: “Arah ketubuhen Yésus, erbahan maka kita reh pangna ngakuken kinitekenta, sabab kuasa si mbelin enggo kap i berékenNa man banta.”

I. PENDILO GUNA ERBAKTI/IBADAH MAN TUHAN
    1. Persikapen: (Pendéta/Pengkhotbah/Kerina serayan Tuhan si hadir)
    2. Ngalo-ngalo kerina Serayan Tuhan:

Mehamatlah nandangi Tuhan Yésus sangana kita lit ibas rumahNa si Badia. 
Peteruk ukurta, siendesken pusuh peraténta ku Ia. 
Ola gejek, ola erbahan keributen, ras ola erbahan kai pé si la ngena atéNa.
Rendé: “B’éken Pasu-pasu-Ndu
              Senang ukurku perb’an Yésus Tuhanku Si ‘ngkawali aku
              Temani aku o, Yésus Tuhanku. B’réken pasu-pasuNdu

              O, Tuhan kawali geluhku. B’réken pasu-pasuNdu
              O, Bapa temani geluhku. B’réken pasu-pasuNdu

             ‘Ndi ras Kam o, Tuhanku senang geluhku
             ‘Ndi ras Kam o, Yesusku tenang tendingku
              B’réken pasu-pasuNdu (lihat PARTITUR-nya)

(Penyembahan: Dikondisikan. Jika belum memungkinkan/konsentrasi jemaat yang hadir belum fokus untuk beribadah, ada baiknya wl/mc mengajak jemaat untuk lebih memfokuskan diri dengan membawa beberapa lagu pujian sebelum masuk ke penyambahan)

II. IBADAH
     1. Pertoton mbenai Ibadah(Liturgos/Pendeta)
         […]
Tuhan Yesus Raja Geréja, si enggo ngaloken perpulungen genduari i bas ingan énda. 
Mari dagé sipesikap kula, ukur, ras tendinta ngaloken kemalemen si rehna ibas Ia nari…. 
(Liturgos mengajak jemaat: “mari kita kerina kalak si tek, sikataken: Amin.) 


Rendé: “Kau Sungguh Indah Tiada Taranya” 
               Kau sungguh indah tiada taranya sungguh mengagumkan
               Sungguh ajaib tuk di mengerti lebih dari semua yang ada 
               Hikmat-Mu tiada terselami kasih-Mu dalam tak terduga
               Kau sungguh indah tiada taranya mulia dan berkuasa

               Ku kagum hormat akan Engkau 
               Ku kagum hormat akan Engkau
               Kau Allah yang layak di puji ku kagum akan Engkau

2. Liturgi Kerna Erbagé-bagé Keadan (Situasional)
a. Dibata kap Si Pemena arah kerina sinasa lit-na.
Dibata kap Si Pemena arah kerina sinasa litna! Bena-benana, ijadiken Dibata langit ras doni. Doni lumé denga, dingen la lit tempasna. Lawit si mbelang ergelumbang itutupi gelap mesangat, janah Kesah Dibata kelaling-kelaling i babo lau siengkuasaisa. Bagé me Dibata njadiken langit ras doni jiné.  

Terang si ersinalsal tuhu mejilé. Émaka isirangken Dibata ka me terang ndai arah gelap nari. I gelariNa me “terang” ndai “Suari” ras gelap ndai “Berngi”. 

Ijadiken Dibata ka awang-awang gelah ratur ka doni sini ‘nggo itepana ndubé; guna nirangken lau sini lit i datas ras lau sini lit i teruh gelah ola ersada. Tuhu ibas wari peduaken itepa Dibata awang-awang ndai ras i gelarina é “Langit”. Émaka ben wari, jenari siangka. 

Ibas wari peteluken Dibata mulihi erbahan si mehuli nandangi doni énda, reh nina Dibata: “Ersadalah Kerina lau sini lit i teruh langit ibas sada ingan, gelah lit teridah taneh kerah. Jadi me kai sini sura-suraken Dibata é. Janah igelariNa kerah ndai salu “Daraten” ras lau sini enggo ersada ndai “Lawit”. I idah Dibata maka kai sini jadiken-Na é tuhu-tuhu mehuli, maka nina Dibata ka: “Turahlah ibas taneh nari kerina sinuan-sinuan, é me dukut-dukut  sierbuah, kayu si erbuah sini lit sinuanna ibas buahna nari,” Émaka jadi me bagi sini i sura-suraken Dibata. 

Ijadiken Dibata ka matawari, bulan, ras bintang; maka enggo banci sinanami kerna tanda-tanda pemula wari, bulan, tahun bagé pé musim. I idah Dibata sijadikenNa é tuhu-tuhu mehuli, jadi me énda ibas wari peempatken.

Kenca é, mulihi Dibata ngerana salu dum kuasaNa, Nina: “Lit lah erbagé-bagé macam si nggeluh ndemi lau ras erbagé-bagé macam perik sini ndemi awang-awang.” Maka jenari ijadikeNa me rubia-rubia subuk si nggelu di daraten, lawit, bagé pé bas awang-awang. Meriah ukur Dibata dum salu kemulian ngidah kerina si jadikenNa é tuhu-tuhu mehuli kap. siénda jadi ibas wari pelimaken.  

La erngadi-ngadi Dibata nepa kerina simehuli.  Seh bas wari peenemken ijadikenNa me Manusia si sentudu ras tempasNa jiné, simenam seri ras Ia; guna engkuasai kerina sienggo i tepaNa ndubé. 

Jenari maka ngadi me ia nepa ibas wari pepituken sini seh asa genduari sitandai salu wari Sabat, em wari ija Dibata ngadi nepa, maka iprentahkenna kerina singiani doni muji-muji Ia ibas wari sabat-Na si Badia é. Oh, andiko tuhu-tuhu mehuli dingen mejilé kerina tinepa Dibata é. 

(WL/MC: “Rendélah muji TUHAN, si meréntah i Sion! Turiken man bangsa-bangsa kai si enggo ilakokenNa” (Masmur 9:11))

Rendé: “Andiko Jiléna”
Andiko jilena tinepa Dibatanta subuk pertibi enda ras isina Kerina
Deleng meratah, kerangen, perik-perik rende kabangen
Andiko jilena seh kel kap ulina.

Andiko hulina si ‘nggo itepaNa jine
Terang dingen pe gelap; Wari, tahun, ras musim
Watawari si terang, bulan, – bintang ersinalsal
Andiko jilena ‘ndiko sehkel ulina

Emaka tanggar-tanggar me kita jelma Kerina
Ola melantar, ola meturdaksa
Lit tenah kata pedah Dibatanta man banta:
Jaga kelengi k’rina tinepaNa. 


b. Opé lenga ndabuh ku bas dosa

Ipasu-pasu Dibata me Manusia sini ijadikenNa sentudu ras tempasNa jiné salu mberéken kuasa ras kemulian; ras i tamakenNa me manusia ndai ibas sada ingan sisenang ém kap Peken Édén. 

Kenca bagé, nina ka TUHAN Dibata, “La mehuli adi manusia é nggeluh sisada-sisada. Ku bahanlah teman si cocok man bana, guna manpati ia.” Maka ibuatNa sada tulan rang-rang manusia ndai sangana ia tunduh, jenari itutupiNa salu jukut ras iberékenNa kesah kegeluhen. Jadi me sekalak diberu ibas tulan rang-rang é nari.

Ikataken “Diberu” gelarna, sabab ia ibuat i bas dilaki nari. Ém sababna dilaki nadingken nandé – bapanan gelah ersada ia ras ndeharana, maka ia duana engo jadi sada.


c. Manusia ndabuh ku bas dosa

Paksa Diberu si enggo ijadiken Dibata arah tulan rang-rang manusia ndai erdalin sisada i Peken Édén, reh me si iblis ibas rupa nipé, iajuk-ajukna si Diberu é gelah manken buah batang kayu si lit i tengah-tengah peken é, si ilarang Dibata ndubé. Entabeh ras mejilé kel tuhu rupa buah kayu é, maka kerina si ngidahsa merhat ‘ncubasa, bagé pé Diberu ndai, maka ipanna buah batang kayu pemeteh si ngajarken si bujur ras si jahat, jé nari i berékenna man perbulangenna, maka ipan perbulangenna ka me buah é. Erbahansa tuhu-tuhu Dibata ernembeh até, sebab manusia ‘nggo ngelanggar peréntahNa.  

Kegeluhen si senang ’nggo i sikapken Dibata ndubé nandangi manusia, tapi dosa erbahansa Dibata erciga até nandangi tinepa si sentudu ras tempasNa ndubé. Ipelawes Dibata me Manusia ndai arah Peken Édén, jé nari seh asa genduari kesusahen dingen kiniseran sitetap jadi asam geluh manusia é erkiteken ‘nggo ndabuh ku bas kelbung dosa.

Ertambah-tambah Manusia ndai, maka dosa pé ertambah-tambah ka erbagéna. Kesusahen dingen kiniseran kepé la erbahan maka manusia ndai jera arah dosa. Pedah-pedah Dibata lanai diaté manusia ndai, ‘nggo lepak tuhu perdalinna. Lanai ia mbiar man Tuhan Dibatana, janah lanai ia sikeleng-kelengen bagi sini enggo iajarken Tuhan ndubé. 

Ngayaki erta, kinibayaken, ras Kerina kesenangen doni, tuhu-tuhu jelma ndai ‘nggo ndauh arah dalin Tuhan; ndabuh ku bas dosa simesangat, maka labo kesenangen sini dat manusia é, tapi kini seran erkiteken dosa.

(Si ngogéken liturgi b. Opé lenga ndabuh ku bas dosa ras c. Manusia ndabuh ku bas dosa sekalin ku lebé mbacakensa.)

Rende:  “Perbahan Dosa” 
Perbahan dosa ‘nggo mekeleksa ibabo doni ban manusi
Maka Dibata pé ‘nggo ngukumsa kini seran ‘ndubé ibréNa
O, Tuhanku; Kam kap me Rajaku ku tinggelken pendiloNdu
Gelahna aku bagé pé bangsaku la reh mbagesna ku bas dosa

Perbahan dosa ‘nggo seh kelekna, maka geluhta seh suina
Kai pé sibahan bas doni énda kerina murdé la erturin 
O, Tuhanku alemi min kami gelahna kami pé terkelin
AmpuniNdu min salah lepakku. B’réken me dagé pasu-pasu.

Ukur si picet ras pé mesergé; Si tep-tep wari bas geluhta
Ia ngé ngenca si pejoresa, maka dagé sidahi Ia 
O, Manusia si nggeluh bas dosa ota min dagé dahi Ia 
Akukenlah salah ras lépakta gelah i b’réNa kemalemen (Lihat PARTITUR-nya)


d. Padan Dibata kerna keselamaten nandangi Manusia

Gia tuhu-tuhu dosa enggo engkuasai kegeluhen Manusia ndai. Tapi keleng até Tuhan kepé la erngadi-ngadi kempak Manusia é.

Até Dibata, maka Manusia si enggo ndabuh ku bas dosa mulihi ku bas dalin si payo singena até-Na. Maka erpadan mé Dibata lako meréken keselamaten man Manusia. Tapi, la erngadi-ngadi Manusia é erbahan dosa, sini erbahansa maka lanai mungkin Manusia ndai ngasep mulahi dirina arah siding dosa nari erkitéken enggo tuhu mesangat. Tapi, padan Dibata kerna keselamaten é igenapi ngé, tapi, ise nge dagé si ngasep nggenapisa? 


e. Ketubuhen Yesus

Genduari padan ndai enggo igenapi, bagi sini ijanjiken Dibata ndube ras si inubuatken nabi-nabi. Yesus ngé ngenca keselamaten é. Dosa si mesangat erbahansa maka Manusia labo ngasep mulahi dirina arah siding dosa nari. Maka, padan Dibata kerna nelamatken Manusia é Tuhan Yesus kap ngenca si ngasep nggenapisa salu peteruk dirina nusur ku doni tubuh erkelangken sekalak singuda-nguda nari tergelar si Maria ibas pelangkah i karang asuh-asuhen i bas sada kuta melenget dingen mesuni em Bethlehem i kuta Yedea.  

Rendé: “Hai Kota Mungil Betlehem"
Hai kota mungil Betlehem, betapa kau senyap
Bintang di Langit cemerlang, sewaktu kau lelap
Namun di lorong glap-mu, terpancar t'rang kekal
Harapan sepanjang Masa, terjadilah sekarang.

Bayi Kudus telah lahir, malaikat bersorak,
Meski dunia sedang lelap, Malaikat menjaga.
Hai, bintang-bintang Fajar, puji dan sembahlah!
Juru selamta t’lah lahir, damai sejahtera.

Rendé: “Mari Surak Muji Tuhan
Mari surak muji Tuhan  endesken endén-endén si meriah
O, Surga doni ersurak k’rina
Mari dagé puji Ia salu ukur ras tendinta
Puji gelarNa si Badia

O, mari surak rendé ras ermazmur puji gelarNa si Badia
La erngadi-ngadi ku puji Kam Tuhan
Pujilah Tuhan si Erkuasa (Lihat PARTITUR-nya)


f.  Keselamaten é ‘nggo seh man kalak Karo

Ketubuhen Yésus labo saja nelamatken kita Manusia arah dosa nari, tapi si ték dingen nggit ngaloken Ia, iberékenNa kap Kuasa si Mbelin.

Seribu Waluh Ratus Siwahpuluh(1890) tahun kenca ketubuhen Yésus, berita Si Meriah kerna padan keselamaten si rehna arah Dibata nandangi Manusia ‘nggo kap seh ku tengah-tengahta Rakyat Karo Sirulo é. Erkelang-kelangken suruh-suruhen-Na, berita Si Meriah si bena-benana i pesehken man kalak Karo i sada kuta sikitik dingen melenget, ém kap: i kuta Buluh Awar Simalem.  

Rendé/Solo: “ Buluh Awar Simalem ” 
Tuhu kitik kel kam jiné arah kerina kuta i doni énda
Tuhu-tuhu menda seh kel lengetna o, Buluh Awar kuta simalem
Émaka ola aru aténdu, sebab kam si pilih Dibata 
Salu nua palas pedah kataNa, 
Man k’rina rakyat Karo sirulo, 
Man k’rina rakyat Karo sirulo.

Pasarna licin, erembang, -- erbatu-batu
Mbentasi kerangen rimba raya. 
Bagé me ndubé serana me kap perdalin 
Simbaba Berita Si Meriah 

O, Buluh Awar jé’m’ jadi pemena
i tetapken Yesus Tuhan mbarken b’ritaNa. 
Labo erkiteken kam ndubé si mbelinna,
tapi p’ratén Dibata la kap terolangi,
 kai si nggo jadikenNa ém me si mehuli

Mejuah-juah o, Buluh Awar kuta simalem 
Mejuah-juah. Mejuah-juah Karo Sirulo
Mejuah-juah Merga Silima
Mejuah-juah kita Kerina. Mejuah-juah kita Kerina. (Lihat PARTITUR-nya)


3.  Liturgi Erbagé-bagé Pendahin(Profesi)

- Perjuma-juma(Petani)
Paksa surutna matawari, dingen langit pé erdire-dire muat ku gelapna, ijé makana kami mulih juma nari. Megati me kami ipergelari “si mulih karaben.” Dahin kami, ém kap i juma ras i sabah, muan-nuan kerina sinuan sierguna man kegeluhen. Pagé, gadung, gulén-gulén, cina, rimo seh pé ku nurung bagé pé manuk, lembu, kambing, ras sidebanna niasuh kami guna ‘ncukupi kegeluhen kami bagé pé guna jelma sinterem. Latih dingen mesera tuhu, megati ka sinuan é bayungen ras lali regana, tapi, adi la dahiken kami uga kami banci ‘ncukupi kegeluhen kami? Ras, ugaka jelma sinterem é ndatken kai si perlukenna man panganna? Émaka amin mbué gia perbébén ibas pendahin kami énda, tetap ilakoken kami salu tutus ras ukur payo, maka Tuhan Si Masu-masu Kerina pendahin, kegeluhen, ras isi jabu kami.        

- Perbinaga(Pedagang)
Lenga terang pé wari é ‘nggo ka kami seh i Tiga. Mbergeh entah pé melas. Udan dingen lasna matawari labo la igejab kami. Guna ngelitken barang-barang sini iperluken jelma sinterem, piah anak-anak i rumah pé megati lanai kami jumpa. Tapi siénda Kerina ilakoken kami salu tutus ras meriah ukur, dingen erpengarapen sebab Tuhan kap Si Masu-masu ras sinjagai kami kerina.    

- Supir
Kami supir. Tiap wari dahin kami ém kap mbaba kendaran guna naruhken penumpang ku ingan tujunna. Amin kitik penghasilen dingen seh kel latihna, la kami moncé gelah kerina min penumpang énda ola cengkal perdalinna ras seh ku ingan tujunna tepat waktu ras selamat. Melala tuhu perbébén ras pencuban siihadapi ibas dalin si kadang pinter ras la jarang meluk-eluk. Megati ka nge lalit sewa ras la ka jarang kurang ka nge setoren. Latih dingen mesera tuhu, tapi sienda kerina ilakoken guna ncukupi kegeluhen keluarga i rumah ras ncukupi kerna kebutuhen persekolahen anak-anak. O, Tuhan pasu-pasuNdu min pendahin kami ras kawaliNdu min kami ngalur-ngaluri pasar singgedang enda, subuk bas dalin pinter, erembang, bagepe dalin si meluk-eluk gelah ola kiniteken kami énda pé ikut meluk-eluk. Puji Tuhan, pasu-pasuNdu pendahin kami ras kerina isi jabu kami.   

- Pegawai pemerintahen/PNS/TNI/POLRI, dll
Kami erdahin bas pemerintahen. Kami erdahin man Negara enda. Kami erdahin guna ndalanken pendahin-pendahin siperluken kerina masyarakat, maka megati ka kami ipergelari abdi Negara, abdi masyarakat. Tapi, megati tuhu la ilakoken kami pendahin kami énda bagi sini arusna, maka ibas sienda kerina kami mindo maaf ras mindo ampun man Dibata gelah jénda nari ku lebé kami banci tuhu-tuhu jadi abdi Negara ras pelayan masyarakat situhu-tuhu, gelah arah Kerina silakoken kami pé tuhu-tuhu encidahken kerna kemulian Tuhan. O, Bapa ajriNdu min kami ndalinken Kerina pendahin kami énda, gelah arah kai pé silakoken kami, tuhu-tuhu gelarNdu ipebadia.

- Tokoh Agama

- Pelajar   
Kami anak singuda denga. Melala tuhu tantangen ibas paksa nguda denga, ras ku lebé pé reh buéna ka nge tantangen. Maka tutus kel até kami erlajar, gelah ku lebé kegeluhken kami pé tambah-tambah salu pemeteh si rehna arah Tuhan nari. Tuhan Yesus ajariNdu min kami gelah kami jadi sekalak pelajar si atan igelari anak-anakNdu ras ipasu-pasuNdu ka pendahin orang tua kami gelah reh ngasupna ka ia ‘ncukupi kerna keperlun kami.

(Kerina si mbaca liturgi: "O, Tuhan. Ajari kami ibas ndalinken Kerina pendahin kami, gelah kai pé sini lakoken kami, tuhu-tuhu gelarNdu ipebadiaken. A m i n .")

4.  Persembahan Pujian: GIKI…..

5.  Pemasangen Lilin Natal

(Liturgos/Pendéta: " Engo sibegiken berita kerna ketubuhen Yesus Kristus. Tek kita maka Tuhan Yesus tuhu-tuhu anak Dibata Si Tonggal si enggo ‘nggit peteruk dirina tubuh i bas pelangkah i karang asuh-asuhen guna nebus dosanta manusia. Ia bagi lilin gara sini pediat diriNa meseng gelah banci nerangi kerina sini lit i sekelewetna. KetubuhenNa labo saja enggo nelamatken kita arah siding dosa nari, tapi kuasa si mbelin iberékenNa kap man kalak si tek ras nggit ngaloken Ia ibas geluhna seh asa paksana pepagi Ia reh pedua kaliken guna ngalo-ngalo kita guna bengket ku Rumah-Na si Badia. Seh ménda paksana kita Pegara Lilin Natal, nginget-nginget kerna belinna pengorbanen Tuhanta Yesus jiné ras jadi tanda maka kita lanai nggeluh bas sigelap, sebab terang é ‘nggo kap seh ku tengah-tengahta mbereken man banta kuasa si mbelin guna ngelawan sigelap. Guna pegara lilin, iundang kami ku lebé: " )

- Pengkhotbah/Pendeta Jemaat GIKI Medan(Pdt. Brahmana)
- Panitia Natal/Majelis Pengerja GIKI Medan (Bp. Dody)
- Persekutuan GIKI Patumbak (Ev. Arnem Tarigan)
- Mewakili GIKI se-Sumut/Indonesia (Pdt. Sembiring)
- Mewakili Jemaat 
- Komisi Sekolah Minggu (Caterine)
- Mewakili Komisi Ibu (Nd. Ina)
- Mewakili Komisi Bapak(Roy Gurukinayan)
- Komisi Musik dan Pemuda(Bastanta P. Sembiring)
- Gereja tetangga (GBKP, dlsb)

Rendé:  “Malam Kudus” (Sangana pemasangen lilin) 
Malam Kudus, sunyi senyap, bintang-Mu gemerlap
Juruselamat Manusia ada datang di dunia
Kristus anak Daud  2X

Anak Kecil, Anak Kudus, Tuhanku Penebus
Ten’tra surga bernyanyi merdu bawa kabar kedatangan-Mu
Kristus Anak Daud 2X
Malam Kudus, sunyi senyap bintang-Mu gemerlap
Aku datang ya Tuhanku, bersembahyang di kandang-Mu
Dan menucap syukur 2X

6.  Persembahen Pujin arah Serayan Tuhan i GIKI Medan:

7.  Rendé untuk khotbah/Firman Tuhan: 

“Setiap Janji-Mu Tuhan”
Setiap janji-Mu Tuhan kusimpan dalam lubuk hatiku
Lewati setiap masalah tiap tetes airmata dalam hidupku
Janji-Mu menopang hidupku; kasihMu menuntun langkahku 
dalam setiap  waktu
Penolongku yang aku percaya

Trima kasih buat kasih setia-Mu
Penyertaan-Mu sempurna 
Janji-Mu tak pernah terlambat menolongku
Trima kasih ku bertrima kasih
Buat Kasih setia-Mu di dalam hidupku

8.  Firman Tuhan (K h o t b a h .)

9.  Pengakun Kiniteken Kalak Kristen:
(Pengkotbah: "Perpulungen si kelengi Tuhan iundang kami cinder. Marilah  kita kerina kalak Kristen sebelang-belang doni énda siakuken kini tekenta, ninta dagé ras-ras:" )

- Aku tek man Dibata Bapa Si la ersibar kuasaNa, Si nepa langit ras doni. 
- Aku tek man Yésus Kristus AnakNa Si Tonggal, Tuhanta, si jadi arah Kesah Si Badia, tubuh idus singudanguda nari si so keliamen, tergelar si Maria, si ngenanami keniseran paksa pemeréntahen Pontius Pilatus, nipakuken ku kayu persilang, maté, jenari ikuburken, nusur ku doni kematén, petelu wariken enggo kéké i bas si maté nari, nangkih ku Surga, perkundulNa arah kemuhen Dibata, jenari reh me Ia pepagi guna ngerananken si nggeluh ras si nggo maté.
- Aku tek man Kesah Si Badia, janah lit sada Geréja Si Badia, persadan kalak si Badia, pengalemi dosa, kinikékén kula, ras kegeluhen si rasa lalap. A m i n.

10.  Persembahen(Kolekté)
(Imam Kecil/Pendéta: "Genduari seh ménda paksana sipepulung persembahenta bagi rudang-rudang si merim iadep-adepen Dibata. Kata Dibata kerna persembahen sini tertulis ibas: II Korintus 9 : 6 – 8 (+ Pertoton kerna persembahen)

Rendé sangana pepulung persembahen: 
Babalah persembahen si merimna 
kuadep-adepen Dibatanta. 
Babalah kurban pujin si mehaga ku lebé altarNa si Badia. 
G’lah tetap b’réNa pasu-apsuNa man k’rina Manusia. 
G’lah tetap b’réNa pasu-pasuNa. Terpuji gelar Tuhan.

Babalah persembahenta man baNa
tanda lias keleng kap atéNa. 
‘Ndesken rikut lagu pujin ku Ia, jadi persembahen si Badia.
G’lah tetap b’réNa keleng atéNa ras lias atéNa banta
Émaka ernalem saja man baNa segedang-gedang geluhta. (Lihat PARTITUR-nya)

11.  Pertoton Syafaat
O, Bapa kami si ni Surga, gelarNdu ipebadia min, reh min kinirajanNdu, seh lah min peraténNdu ibas doni énda bagi ni Surga. Beréken man kami nakan cukup ibas wari si sendah énda. Alemi salah kami, bagi nialemi kami salah kalak empak kami. Ola min kami ibaba Kam kubas percuban, tapi olangilah kami idur si ilat nari; sabab Kam kap si mada Kinirajan, ras kuasa, ras kemulian sindekah-ndekahna. Amin. (Lihat PARTITUR-nya jika dinyanyikan)

12.  Pemasu-masun:
(Perpulungen sini kelengi Tuhan, mulihlah alu damai ras mejuah-juah.  Maka, angkatlah tanndu guna ngaloken pasu-pasu si rehna idur Dibata nari.

Perkuah até Dibata Bapa, lias ras keleng até Tuhanta Yesus Kristus, ras kerembaken Kesah Si Badia ras kam(kita) kerina gelah, genduari seh asa maranatha Tuhan Yesus Kristus reh pedua kaliken ku tengah-tengahta guna ngalo-ngalo kita. Amin.

Rendé: 
Kami memuji kebesaran-Mu
Ajaib Tuhan. Ajaib Tuhan.
Kami memuji kebesaran-Mu
Ajaib Tuhan. Ajaib Tuhan. 

13.  Paksa teneng (saat teduh)

14.  Rendé lagu-lagu Natal ras sisalam-salamen,
        tanda pendungi Ibadah Natal GIKI Medan 2013.

III. ACARA PERAYAN NATAL  


Medan, Desember 2013
Panitia: Seksi Acara dan Liturgi
Kord.

Bastanta P. Sembiring
Kord. Komisi Musik dan Pemuda
GIKI Medan.


Selamat Wari Natal (Desember 2013)
Ras
Ngalo-ngalo Tahun Simbaru (2014)

Mejuah-juah TUHAN YESUS Si Masu-masu

1 komentar:

Syaloom - Mejuah-juah